Mochila viaxeira para Laura

O Leâozinho

Este ano a cultura convidada no Salón do Libro é a lusofonía. Na nosa visita participamos nun obradoiro chamado Eu leo, eu canto no que estivemos cunha contadora e un músico portugueses que nos contaron en portugués historias sobre leóns e outros animais e nos ensinaron esta canción de Caetano Veloso que nos gustou moito. Rematamos o obradoiro tamén facendo un monicreque coa cabeza dun león e cantando xuntos a canción. Aquí a temos 😃

Saída a Pontevedra

Volvemos a Pontevedra! A descubrir todo o que o Salón do Libro argallou ao redor da Revolución e a lectura, a xantar no parque da Xunqueira, a visitar o Museo de Pontevedra, a pasear á beira do Lérez e a xogar no parque da praza de Barcelos. Un día completo no que xogamos, aprendemos, estivemos xunt@s e o pasamos moi, moi ben. 

Ah! E vimos a nosa maqueta e os nosos libros na exposición, claro.

 

3º en Pontevedra from Brea Segade on Vimeo.

LUMES NON!

Mañá, venres 29 ás 12, 5 minutos de paro, convocado polas ANPAS de Rianxo.

Aniversario de Christian

Onte Christian fixo 10 anos! Hoxe celebrámolo na clase. Trouxo unhas canas de chocolate impresionantes e uns pasteis que estaban boísimos, cantámoslle e turrámoslle das orellas...

Parabens, Christian!

Parabéns para ti...

Mmmmm!

Graciñas polos doces! 😋

Revolución Irmandiña

Onte marchou para o Salón do Libro de Pontevedra a nosa maqueta deste ano, cos nosos libros sobre as revolucións. Alí foi a nosa Revolución Irmandiña 😍
Tedes máis información no blog da BBS.

Ana Corredoira e Marta Álvarez

 

A nosa achega á exposición de mulleres destacadas no mundo da alimentación organizada polo Equipo de Actividades Extraescolares.

Mochila Viaxeira para Diego

Mulleres e alimentación

Aquí temos os enlaces para investigar sobre algunhas mulleres que están levando adiante proxectos innovadores no mundo da alimentación. Son só unha pequena mostra da creatividade, a forza e o traballo das mulleres en diferentes sectores económicos.  

Ana Corredoira e a granxa A Cernada.

Marta Álvarez e As Maruxas

Milagros Piñeiro e Milagros González e A Pementeira

Entrade e descubrídeas! Vanvos sorprender.

8 de marzo: Día da Muller

Ilustración de Leandro Lamas

A Revolución

XX Salón Internacional do Libro Infantil e Xuvenil de Pontevedra

A palabra revolución ten carisma, especialmente cando non leva apelido. É un termo que nos remite á utopía, á busca dun futuro mellor, á crenza de que outro mundo é posible, e ponnos no camiño da transformación da realidade que desde o Salón cremos que se pode e que se debe facer tamén a través dos libros. Que así sexa!

Quentamos motores para a nosa cita anual co Salón do Libro de Pontevedra 😍

Coplas de Entroido

Antes da queima do Toribio 3º botou unhas coplas de Entroido que estiveramos a traballar na clase durante toda a semana.


E faltou gravar a Hugo rematando:

 Viva o Toribio! Viva o Entroido!

Despois disto... Adeus Toribio!

Ata o ano que vén! 😞

Pizza!

O venres de Entroido a clase de 3º encheuse de anacos de pizza de diferentes sabores e ingredientes, pero todos da marca BreaPizza.

Así de guapos e guapas os BreaPizzas, xunto con mexillóns, froitas e cociñeiros baixaron ata Campo de Pazos con ganas de lucirse e montar festa.

Enchemos a praza de comida, cores e bo humor.

De volta na escola, larpeiradas de Entroido para recuperar forzas da camiñata.

Día de Rosalía

Na celebración do Día de Rosalía no colexio lemos poemas relacionados co proxecto da biblioteca deste ano, a alimentación. En 3º preparamos Tecín soa a miña tea e Sergio, Diego, Noela, Lola, Laura e Adrián encargáronse de lelo para todos. Fixérono moi ben! 

 

Día de Rosalía 2019 from Brea Segade on Vimeo.

E despois de ler e de escoitar a todos os cursos e os profes recitando... Caldo de Gloria! Que rico estaba!