Creactivity

A gata con zocos

Radio BBS emitindo

Aquí está a nosa última aventura, o programa que preparamos e gravamos no mes de xuño, estreando as "flamantes novas instalacións" da Radio BBS. Queda para o curso que vén aprender a editar e montar, pero vendo o ben que se vos dá ser locutores/as e técnicos/as de son, non hai fallo, ides aprender de contado. Desta vez montamos os profes do equipo de biblioteca. Tivemos que facer unha "trampiña", para que non houbera moita diferenza entre o gravado co equipo do estudo e o da gravadora. A ver se vós notades onde está a trampa, pero non o contedes 😉

Moi bo traballo, fixéstelo tod@s de marabilla. 

Grazas, unha vez máis, Emma e Carmen María.  

Para o curso que vén máis 😀

                                              Profesións e alimentación

Visitade tamén a entrada no blogue da BBS.

Rematamos!

Rematamos Terceiro! 

Despois dun curso cheo de moito traballo, moi bos momentos compartidos e moito aprendido collemos unhas merecidas vacacións. É tempo de praia, piscina, paseos, xogos, festas... e lecturas, non o esquezades 😉

Bo verán a tod@s! 

Vémonos en setembro 😘😘

Obradoiros e festa da auga

Hoxe tivemos a festa de despedida de curso, obradoiros, festa da auga e merendola. 😃

Auga!

Auga!

Seguimos gravando!

Hoxe botamos boa parte da mañá na radio, rematando de gravar o que será o noso primeiro programa para a Radio BBS 😍

Ademais de falar e entrevistar a unha nova convidada, Emma, a nai de Diego, tamén probamos a levar a parte técnica da gravación e descubrimos que temos un bo feixe de técnicos e técnicas de son de primeira categoría! 

Foi moi emocionante e pasámolo moi ben.

Axexando 😉

 

Técnicas de son de toda a vida 😀

Profesionais

Grazas, Emma!

Gravando!

Estamos a rematar o curso, pero non paramos de traballar 😃

Andamos metid@s na gravación dun programa de radio sobre alimentación e traballos relacionados con ela. De momento, despois de recoller a información, preparamos o guión do programa, convidamos a algúns familiares para entrevistalos e comezamos coas primeiras gravacións... Este luns estivo con nós Carmen María; foi a nosa primeira entrevistada. Molou!

Seguiremos contándovos.

Grazas!

"Callejeros Barbanza"

Este luns asistimos a unha charla da Asociación Callejeros Barbanza organizada pola ANPA do colexio. Faláronnos do seu traballo recollendo animais abandonados e xestionando acollementos e adopcións. Animáronnos a coidar ben as nosas mascotas e escoller a adopción como medio para ter animais na casa. Trouxeron a Laika, unha cadela que está en acollemento cunha das socias de Callejeros Barbanza. Como nos gustou Laika!

Saída fin de curso

O venres 14 de xuño 3º e 4º de Primaria fixemos a última saída deste curso. Visitamos o Centro Arqueolóxico da Barbanza, os castros de Neixón, a reitoral de Leiro e o souto de Isorna. Esta saída pretendía poñer en valor o traballo realizado nas aulas, ao longo do curso, ao redor da nosa historia e o noso patrimonio e descubrir a riqueza da nosa comarca. Pretendiamos tamén ter un tempo para convivir e estar xunt@s, nun ambiente diferente ao das aulas e o cole.
Foi un éxito! Todos os obxectivos conseguidos! 😉

Parabéns 3º e 4º, dá gusto saír con vós!

A miña historia persoal 4

Hoxe rematamos de poñer en común as nosas historias. Moi bo traballo de tod@s, tanto recollendo información como expoñéndoa na clase. Ben feito!