Día da Paz: plantación

Este ano quixemos celebrar o Día da Paz construíndo un mundo mellor desde o noso entorno máis próximo e por iso no cole decidimos facer unha plantación de árbores autóctonas para axudar a repoboar a ladeira que vai de Campo Maneiro a Corques. 

Foi unha mañá de traballo duro pero divertido, na que traballamos en equipo, colaboramos e aprendemos cousas novas sobre o medio ambiente. Colaborou co cole a Comunidade de Montes, o Concello de Rianxo e a ANPA. A ANPA agasallounos cun chocolate para repoñer forzas 😍

Imos alá!

Comezamos!

Equipazo!

Outro equipazo!

E outro máis!

Expertas plantadoras

Chocolate! Mmmmm!

Merecido descanso

😍

Bravo!

Magosto

Hoxe saíu o sol para que puideramos celebrar o magosto! 👏👏👏👏

Despois da Hora de Ler fomos visitar a plantación de castiñeiros e carballos que hai uns anos fixeran en Campo Maneiro nenos e nenas do noso colexio coa Comunidade de Montes e o Concello. Hai pouco o colectivo Fousas ao Monte  limpou esa zona e vimos como medraron as árbores nestes anos. 

O Brea Segade no Campo Maneiro

E de volta ao colexio xogos no patio e papar as castañas, claro! 😃

Na tele

O Canal Barbanza cubriu a plantación nas beiras do Té e entrevistou a Noa, Noela, Nerea e Adrián. Mirade que ben o fixeron:

Día dos bosques: plantación na contorna do Té

O mércores 21 participamos nunha plantación de árbores autóctonas organizada polo Concello de Rianxo. Fomos todo o cole e tamén nenos e nenas do CEIP Ana Mª Diéguez de Asados, e do CEIP Castelao de Rianxo. Estivemos nas marxes do río Té, a carón do polígono industrial e entre todos plantamos máis de 160 árbores: carballos, freixos e castiñeiros. 

 

Día da árbore from Brea Segade on Vimeo.

Día dos bosques

Este foi o tema co que comezamos o Día dos Bosques, preparándonos para a plantación nas beiras do río Té.

Para escoitar a canción preme na imaxe de abaixo ou AQUÍ

 

Seres vivos e ecosistemas

Estamos traballando sobre seres vivos e ecosistemas, elaborando murais co que imos aprendendo.

Plantación na horta

Este mércores pola tarde todo o colexio estivemos de plantación na horta, coa axuda de Vanesa e Carlos, os pais de Elena, cada clase plantou algún produto de tempada. Nós plantamos leitugas e outros cursos espinacas, cebolas, allos...

Coas nosas leituguiñas lembramos a ensalada do curso pasado e xa estamos a pensar nos ingredientes para papalas en canto medren. 😋

Agora teremos que coidar da horta entre tod@s.
Grazas, JCarlos e Vanesa!

Plantamos

Esta semana plantamos en macetas as nosas gallas de cóleo que xa tiñan as raíces enormes. Agora xa sabemos que tanto por semente como por galla podemos conseguir novas plantas.

Enchemos as macetas de terra e fixemos un burato

Metemos as raíces no burato

Alastamos a terra para fixar as raíces

Regamos

Xogamos :-)

Bo traballo!