No festival das Letras

Aquí tedes a nosa intervención no Festival das Letras. Impresionate!

O tema titúlase Os peixes de María e é un poema de Helena Villar Janeiro e Xesús Rábade Paredes, do seu libro Os nenos cantan. O libro de María.

Entrade no blogue da biblioteca para ver o resto das pezas do festival.

No festival das Letras Galegas

Caracol, cantiga imprescindible na música infantil galega, un poema de Manuel María musicado por Suso Vaamonde, foi o temazo que 2º interpretou no Festival das Letras Galegas do Brea Segade. Contaron coa axuda dos nenos e nenas de 3º nas voces. Foi impresionante! Sodes uns artistaz@s!

A verdade é que todo o festival das Letras Galegas foi incrible. Tremendos atistas temos no cole! Podedes ver imaxes de todos os cursos no festival no blog da biblioteca.

Contacontos no Auditorio de Rianxo: Mª Victoria Moreno

Este luns estivemos no Auditorio de Rianxo, nunha sesión de contos sobre a obra de Mª Victoria Moreno, a escritora homenaxeada este ano nas Letras Galegas.

Seguimos descubrindo pouco a pouco a súa vida e a súa obra; que mellor xeito que facelo coa axuda dunha contadora que enfiou varias das historias máis coñecidas de María Victoria Moreno.

Para saber máis sobre este espectáculo entrade no blogue da biblioteca.

A festa no faiado

Imos coñecer unha das obras que María Victoria Moreno escribiu para nenos e nenas: A festa no faiado. Traballaremos de novo coas actividades do Seminario Galán.

Mª Victoria Moreno

Para ver canto sabemos sobre a escritora homenaxeada nas Letras Galegas 2018. Premde na imaxe para acceder ás actividades elaboradas polo Seminario Galán.

No teatro

Onte, no Auditorio de Rianxo, vimos a representación teatral de A galiña azul a cargo de Ubú Teatro. Estivo moi ben. Gustounos ver dramatizada a lectura que fixeramos na clase.

A galiña azul

Seguimos lendo a obra de Carlos Casares e gozando moito cos seus personaxes e as súas historias.  Deixamos a máis coñecida para o final:

 A galiña azul 

Pero tiñamos un bo motivo, o martes que vén iremos ao Auditorio de Rianxo e veremos a adaptación teatral de A Galiña azul pola compañía Ubú Teatro. Que sorte temos!

Lolo anda en bicicleta

Seguimos descubrindo a obra de Carlos Casares. Despois de Toribio coñecemos a Lolo, e tamén nos gustou, moito, e nos fixo falar de bicis e de...trasnadas. Está claro que sabemos moito das dúas cousas. :-)

Para ver canto sabedes sobre a historia de Lolo entrade neste novo paquete de actividades do Seminario Galán sobre Carlos Casares, desta vez sobre a súa obra.

O meu chapeu

O meu chapeu from Brea Segade on Vimeo.

Bravo!!

O Festival das Letras

Onte celebramos o Festival das Letras, que organizan o Equipo de Dinamización Lingüística e o Departamento de Música. Encheouse o auditorio de cantigas, unha mostra do moito que traballades e aprendedes nas clases de Música. Noraboa, artistas!

Preparad@s,

List@s,

Cantando!

Artistaz@s!

Segundo

Terceiro

Cuarto

Quinto

Sexto

Este é Toribio

Este é Toribio, o de Carlos Casares, non o do noso entroido.  

E estes son os inventos que máis nos gustaron: o Lapis Ladrón, a Goma de Borrar Disparates, o Lingú, a Pantalla Universal Chismorrosa, O Lapis das cousas imposibles e o Telebrazo Global Laserizado.

E xa temos unha chea de inventos novos a dar voltas nas nosas cabezas. Seguiremos informando...

Letras Galegas

Estivemos moi atarefados estes días a voltas coas letras... as Letras Galegas.
As nosas letras, cheas de cor e de vida ambientan a entrada da escola.

Toribio

Estamos lendo a serie Toribio de Carlos Casares. Toribio é un neno de oito anos que fai inventos moi inxeniosos e que ten un inimigo malvado, o profesor Smith. Estamos lendo os cinco libros que forman a serie e descubrindo unha chea de inventos e ideas moi orixinais e divertidas. Toribio mola!

Letras Galegas 2017: Carlos Casares

Comezamos maio, o mes das nosas Letras e comezamos a descubrir a figura e a obra do autor homenaxeado este ano: Carlos Casares. Como cada ano, contamos, entre outros, cos excelentes materiais do Seminario Galán, ao que agradecemos o seu traballo para difundir nos centros de ensino as figuras conmemoradas nas Letras Galegas. Enlazamos as súas actividades LIM sobre a biografía de Carlos Casares. Demostrade o moito que sabedes sobre o escritor!