Radio BBS emitindo

Aquí está a nosa última aventura, o programa que preparamos e gravamos no mes de xuño, estreando as "flamantes novas instalacións" da Radio BBS. Queda para o curso que vén aprender a editar e montar, pero vendo o ben que se vos dá ser locutores/as e técnicos/as de son, non hai fallo, ides aprender de contado. Desta vez montamos os profes do equipo de biblioteca. Tivemos que facer unha "trampiña", para que non houbera moita diferenza entre o gravado co equipo do estudo e o da gravadora. A ver se vós notades onde está a trampa, pero non o contedes 😉

Moi bo traballo, fixéstelo tod@s de marabilla. 

Grazas, unha vez máis, Emma e Carmen María.  

Para o curso que vén máis 😀

                                              Profesións e alimentación

Visitade tamén a entrada no blogue da BBS.

Seguimos gravando!

Hoxe botamos boa parte da mañá na radio, rematando de gravar o que será o noso primeiro programa para a Radio BBS 😍

Ademais de falar e entrevistar a unha nova convidada, Emma, a nai de Diego, tamén probamos a levar a parte técnica da gravación e descubrimos que temos un bo feixe de técnicos e técnicas de son de primeira categoría! 

Foi moi emocionante e pasámolo moi ben.

Axexando 😉

 

Técnicas de son de toda a vida 😀

Profesionais

Grazas, Emma!

Gravando!

Estamos a rematar o curso, pero non paramos de traballar 😃

Andamos metid@s na gravación dun programa de radio sobre alimentación e traballos relacionados con ela. De momento, despois de recoller a información, preparamos o guión do programa, convidamos a algúns familiares para entrevistalos e comezamos coas primeiras gravacións... Este luns estivo con nós Carmen María; foi a nosa primeira entrevistada. Molou!

Seguiremos contándovos.

Grazas!

Parabéns, 3º!

Ana Corredoira e Marta Álvarez

 

A nosa achega á exposición de mulleres destacadas no mundo da alimentación organizada polo Equipo de Actividades Extraescolares.

Mulleres e alimentación

Aquí temos os enlaces para investigar sobre algunhas mulleres que están levando adiante proxectos innovadores no mundo da alimentación. Son só unha pequena mostra da creatividade, a forza e o traballo das mulleres en diferentes sectores económicos.  

Ana Corredoira e a granxa A Cernada.

Marta Álvarez e As Maruxas

Milagros Piñeiro e Milagros González e A Pementeira

Entrade e descubrídeas! Vanvos sorprender.

Está a chegar o Entroido!

Xa empezamos a notar que os primeiros síntomas: deseños, pintura, pinceis, cola, cores, brillos, ganas de festa e de larpeiradas... O Entroido está ás portas e no cole xa empezamos cos preparativos. 

Este curso o tema co que nos disfrazaremos será a alimentación e como tamén estamos a traballar sobre consumo responsable e desenvolvemento sostible, os nosos disfraces estarán feitos de materiais reutilizables e reciclables. As 3R presidirán o Entroido no Brea Segade: 

reducir, reutilizar e reciclar.

E pasalo de medo!

Saída á Pobra do Caramiñal

Hoxe pasamos a mañá na Pobra do Caramiñal. Fixemos moitas cousas: visitamos o Museo Valle-Inclán, visitamos o supermercado Gadis e fixemos unha visita guiada á vila, case non paramos, pero estivo moi ben, aprendemos moitas cousas e o pasamos moi ben. Mirade...

Saída Pobra from Brea Segade on Vimeo.

Mes da ciencia en galego: volcáns 1

Novembro é o mes da ciencia en galego nas bibliotecas. A Biblioteca Brea Segade convidounos a experimentar nas clases con produtos relacionados coa alimentación e facelo empregando o método científico. Ao longo das últimas semanas na clase de terceiro estivemos observando, formulando hipóteses, experimentando, recollendo datos e elaborando conclusións. Nun dos nosos experimentos traballamos sobre os volcáns e o que acontece ao mesturar vinagre e bicarbonato. Elaboramos catro maquetas de volcáns e mesturamos o vinagre con diferentes cantidades de bicarbonato. Engadimos pintura para que quedara máis chulo :-) Este foi o primeiro.

Volcán 1 from Brea Segade on Vimeo.

Comercio xusto

Este mércores as clases de 3º e 4º participamos nunha actividade do Programa Cores do Instituto Galego do Consumo e da Competencia sobre Comercio Xusto. Forma parte das actividades que estamos a realizar este curso dentro do proxecto sobre Alimentación e Ecoloxía. 

Explicáronnos en que consiste o comercio xusto, que problemas teñen os produtores/as,  que non sempre reciben o que merecen polo seu traballo e tamén como o medio ambiente se ve afectado polo consumismo e por como se están a fabricar os produtos que mercamos. Para que todo isto fora máis doado de entender, fixemos un xogo por equipos no que eramos empresas de diferentes países do mundo e tiñamos que "fabricar" marcapáxinas. Vimos como non todos os países teñen os mesmos recursos. Foi moi interesante!

Delicioso Samaín!

Unha noite no hipermercado

Esta semana fomos os encargados de inaugurar os contacontos dos recreos da BBS. Fixémolo cunha pequena dramatización dun texto que traballaramos na clase en Lingua Galega e que ten moito que ver co tema do proxecto da biblioteca deste curso, a alimentación.

Anunciamos o conto na entrada:

Os encargados desta semana foron polas clases convidando a vir escoitarnos e xa no recreo...

Bravo!

Fame cero 2030

Estivemos lendo, escoitando e reflexionando sobre as propostas da FAO para o Día Mundial da Alimentación. Este é o resultado:

Día Mundial da Alimentación

O 16 de outubro é o Día Mundial da Alimentación. Tod@s nós podemos facer moito para conseguir Fame Cero no 2030. Implícate!

Experimentos

Un dos ingredientes que boa parte do alumnado de 3º pediu para este curso foron os experimentos. Aquí tedes a presentación do noso primeiro experimento deste curso, unha investigación sobre os efectos do vinagre nos ovos. A presentación tamén foi elaborada polos nenos e nenas de 3º, que están feitos uns científicos e científicas de moito nivel!

Experimento ovos from breasegadesegundociclo

Froita, por favor!

Comezamos o curso e retomamos con forza o noso propósito de tomar froita nos recreos dos martes e xoves. Esta semana ademais da froita que trouxemos da casa atopámonos cunha fonte chea da froita estrela do mes de setembro: as uvas! E que boas están!
Seguiremos probando froitas de tempada ao longo do curso, seguro que atopamos froitas que nos encantan e non nos podemos resitir a papalas! 😋

Ingredientes para cociñar un curso fantástico

Aquí van os nosos ingredientes para este curso:

Con todos eles, na xusta proporción e remexendo ben, non hai fallo💪

Unha eiruga moi larpeira

Traballazo dos dous primeiros días de clase. empezamos ben, terceiro promete! 😊

Uns rapaces e rapazas moi larpeir@s!