Adeus, Toribio!

No cole despedímonos do Entroido e do Toribio o venres, dando paso ao Entroido nas vosas aldeas e parroquias.
O Toribio, que tan ben nolo fixo pasar nestes días que estivo con nós, foi despedido con todos os honores, choros, berros e LUME!!

Bo Entroido para tod@s!

Adeus, Toribio!

Orellas e filloas ata rebentar!

No Entroido, no Entroido, no Entroido 

imos papar,

orellas e filloas ata rebentar.

Que ben escolleu Primeiro as letras para a súa canción! Mirade o festín que agardaba por nós no cole.
Graciñas, familias, por coidarnos tan ben e mandar uns doces de lamber os dedos.

 

Viva o Entroido!!!!

Chegou o día máis desexado, o venres de Entroido. Que ben o pasamos! Aquí tedes a mañá en imaxes.

Os preparativos e retoques finais:

Xuntanza robótica

Saímos de pasarrúas detrás da 

Charanga Brea Segade

A fantástica Charanga Brea Segade

Chegamos a Campo de Pazos e cantamos 

as nosas coplas de Entroido

Mochila Viaxeira para Sara

Esta semana aínda que nos recreos estivemos de Entroido tamén se sortearon as Mochilas Viaxeiras e desta vez tocoulle a Sara. Tes uns días libre para aproveitala ben, Sara, que che guste moito!

Con zapatos desparellados

E  así apareceron o xoves os nosos pés:

Lío de pés

Lentes, sombreiros, orellas, pixamas, peluches, coxíns, zapatos desparellados... Xa estamos list@s para o gran día: o venres de Entroido!

O Tempo dos Xogos

Con pixama, lentes e sombreiros marchamos para o Auditorio de Rianxo ao concerto O Tempo dos Xogos. É tempo de Entroido, de cantar e bailar, e xusto iso foi o que fixemos, sen parar! Que ben o pasamos!

Adrián en acción coa caixa chinesa

Gustoulle, quedaba de boa gana no escenario :-)

A durmir na escola!

Así empezamos o mércores, en pixama e durmir!

Pouco durou, o pixama si pero o resto... 

 :-)