Seguimos gravando!

Hoxe botamos boa parte da mañá na radio, rematando de gravar o que será o noso primeiro programa para a Radio BBS 😍

Ademais de falar e entrevistar a unha nova convidada, Emma, a nai de Diego, tamén probamos a levar a parte técnica da gravación e descubrimos que temos un bo feixe de técnicos e técnicas de son de primeira categoría! 

Foi moi emocionante e pasámolo moi ben.

Axexando 😉

 

Técnicas de son de toda a vida 😀

Profesionais

Grazas, Emma!

Gravando!

Estamos a rematar o curso, pero non paramos de traballar 😃

Andamos metid@s na gravación dun programa de radio sobre alimentación e traballos relacionados con ela. De momento, despois de recoller a información, preparamos o guión do programa, convidamos a algúns familiares para entrevistalos e comezamos coas primeiras gravacións... Este luns estivo con nós Carmen María; foi a nosa primeira entrevistada. Molou!

Seguiremos contándovos.

Grazas!

No Espazo Argalleiro da BBS

Así de argalleiros e argalleiras somos en 3º 😉

Boas noites

Estamos rematando a nosa última lectura colectiva deste curso, Boas noites de Paula Carballeira. É unha obra de teatro protagonizada por Xiana, unha nena que quere ter tempo para xogar... Quen non?
Estamos practicando entoación e rindo moito cos personaxes e situacións ideados por Paula Carballeira. Molaría facela en teatro 😃

A torre de Sergio e Lola

Este venres, nos obradoiros, estreamos un novo recurso do Espazo Argalleiro da biblioteca. Sergio empezou a construír unha torre co xogo Kapla. Pouco a pouco foi medrando e medrando e entón sumouse Lola a botar unha man e entre os dous fixeron... Unha torre máis alta que eles! 😍

Mola o Kapla! E molan os maxiconstrutor@s de 3º!

Bravo!

Castelao no LIX Rianxo

O xoves 16 fomos a un espectáculo sobre o libro Periplo Atlántico no LIX Rianxo. É unha historia baseada nun relato de Castelao, que nos contaron e ilustraron o grupo Polo correo do vento. Estivo moi ben e ao rematar aprendéronos a debuxar ao protagonista da historia, o pingüín Panchito.

Visitamos o LIX Rianxo

O mércores 15 estivemos toda a mañá en Rianxo, primeiro no Auditorio e despois na B.P.M. Castelao. No Auditorio asistimos a un espectáculo de Raquel Queizás sobre a 1º muller directora de cinema, Alice Guy e visitamos a exposición de traballos dos centros educativos do concello.

Na biblioteca do LIX

Coa nosa maqueta do cinema

Coa nosa maqueta e libros da Bichería da Ría de Arousa

Xogando na expo

A nosa maqueta de viaxes e medios de transporte

Os nosos traballos de García Teijeiro

Coa nosa maqueta da Revolución

 Antes de ir á B.P.M. Castelao merendamos e xogamos no parque.

Cantándolle o Parabéns a Diego no seu aniversario

Mochila Viaxeira para Dani

E chegamos á última viaxe da Mochila Viaxeira de 3º!

Preparando o encontro con Antonio García Teijeiro

Xa non queda nada!😃