No Espazo Argalleiro da BBS

Así de argalleiros e argalleiras somos en 3º 😉

Mulleres e alimentación

Aquí temos os enlaces para investigar sobre algunhas mulleres que están levando adiante proxectos innovadores no mundo da alimentación. Son só unha pequena mostra da creatividade, a forza e o traballo das mulleres en diferentes sectores económicos.  

Ana Corredoira e a granxa A Cernada.

Marta Álvarez e As Maruxas

Milagros Piñeiro e Milagros González e A Pementeira

Entrade e descubrídeas! Vanvos sorprender.

8 de marzo: Día da Muller

Ilustración de Leandro Lamas

Cadros e pintores

En Valores Sociais e Cívicos estamos a traballar sobre os abanos que trouxera Diego a clase. Escollemos un dos cadros representados e investigamos un pouquiño sobre eles e os seus autores. Elaboramos minimurais e presentámolos ao resto do grupo.

Mes da ciencia en galego: volcáns 4

E rematamos con cinco culleradas de bicarbonato.

Volcán 4 from Brea Segade on Vimeo.

Mes da ciencia en galego: volcáns 3

Este leva tres culleradas e media de bicarbonato.

Volcán 3 from Brea Segade on Vimeo.

Mes da ciencia en galego: volcáns 2

O noso segundo volcán levaba 2 culleradas de bicarbonato.

Volcán 2 from Brea Segade on Vimeo.

Mes da ciencia en galego: volcáns 1

Novembro é o mes da ciencia en galego nas bibliotecas. A Biblioteca Brea Segade convidounos a experimentar nas clases con produtos relacionados coa alimentación e facelo empregando o método científico. Ao longo das últimas semanas na clase de terceiro estivemos observando, formulando hipóteses, experimentando, recollendo datos e elaborando conclusións. Nun dos nosos experimentos traballamos sobre os volcáns e o que acontece ao mesturar vinagre e bicarbonato. Elaboramos catro maquetas de volcáns e mesturamos o vinagre con diferentes cantidades de bicarbonato. Engadimos pintura para que quedara máis chulo :-) Este foi o primeiro.

Volcán 1 from Brea Segade on Vimeo.

Día Mundial da Alimentación

O 16 de outubro é o Día Mundial da Alimentación. Tod@s nós podemos facer moito para conseguir Fame Cero no 2030. Implícate!

Os inicios do cine

Ao longo do 2º trimestre nas clases de Valores Sociais e Cívicos estivemos traballando nun proxecto sobre os inicios do cine. Vimos algunhas das primeiras películas que se fixeron no século XIX e comezos do XX, traballamos cun libro das Tres Mellizas sobre o cine, preparamos unha exposición con toda a información e ao final fixemos unha presentación escaneando os nosos carteis e escribindo algúns textos no ordenador.

Este foi o resultado:

 Esta semana presentamos o noso traballo aos compañeiros e compañeiras do cole na biblioteca. Viñeron en tres grupos, así que tivemos que repetir a presentación tres veces. A primeira vez estabamos algo nerviosos/as, porque era a primeira vez que falabamos para os maiores presentando un traballo,  pero pouco a pouco fomos collendo confianza 😉

Animais de Compañía

Na última semana de trimestre contamos Animais de Compañía de Manuel Lourenzo nos contacontos dos recreos da BBS. Foi unha versión para Kamishibai que elaboramos nas clases de Valores Sociais e Cívicos.

Animais de compañía from Brea Segade on Vimeo.

Mozambique

A tarde do mércores visitounos Uxía Cespón, unha traballadora do concello de Rianxo que nos veu falar de Mozambique. Ela estivo pasou alí o seu mes de vacacións traballando nunha vila pequena e descubrindo como é a vida nese país africano. Contounos un conto sobre un neno que coñeceu alí, falounos de como son as casas, a escola, os animais... Ensinounos un coche de xoguete, un instrumento e teas que se chaman capulanas. Deixounos preguntar un montón de cousas e nós aproveitamos, era a primeira vez que falabamos con alguén que estivera en África. Gustounos moito! Grazas, Uxía!

Coidemos os nosos bosques

A mediados de outubro unha terrible vaga de lumes arrasou milleiros de hectáreas de monte en Galicia, moitas casas, galpóns, graneiras e levou tamén a vida de catro persoas. Na clase falamos do lume e de que se poderia facer para evitar que algo así volvera pasar. Decidimos facer un mural para mostrar a nosa vontade de coidar os bosques e o monte.

Naqueles días Christian trouxera a clase un libro que lle gustara moito, Salgadiña, a estrela de Fisterra de Anxo Moure e Cristina Ouro. Fala doutro tipo de catástrofe medioambiental, pero no fondo fala do mesmo, do mal que os seres humanos tratamos ao noso planeta e da necesidade de que todos e todas nos comprometamos coa natureza. Gustounos moito e ao comezar co mural decidimos que Salgadiña debía estar nel. 

Esta semana sacamos o noso mural ás paredes do corredor. É o noso compromiso cos nosos bosques. Nós coma Salgadiña, queremos un mundo mellor.

Para a Biblioteca Brea Segade

As nosas postais para a BBS na entrada, ambientadas xa para o Samaín. 🎃🎃

Día da Biblioteca

Ao longo de toda esta semana estamos a celebrar no colexio o Día da Biblioteca que se conmemora o 24 de outubro. Hoxe empezamos a mañá con música dos Migallas que enlazaran no blog da BBS. Na Hora de Ler chegounos un agasallo da biblioteca, unha carta e o material para construír taumatropos. E claro, nós tamén decidimos corresponder ao agasallo e preparar unhas postais, a BBS ben o merece!

Reconstruíndo a letra da canción dos Migallas

A carta e a caixa

Os encargados da semana len a carta

Preparamos postais para a BBS

Empezando cos Taumatropos