Apadriñamento Lector

Entrade no blogue da BBS para ver toda a información sobre o Apadriñamento Lector.

Afillados e afilladas lectores

 Así de contentos e contentas volvemos do Apadriñamento Lector da BBS. Que sorte tivemos cos nosos padriños e madriñas lectores! E que ben o pasamos.

O Leâozinho

Este ano a cultura convidada no Salón do Libro é a lusofonía. Na nosa visita participamos nun obradoiro chamado Eu leo, eu canto no que estivemos cunha contadora e un músico portugueses que nos contaron en portugués historias sobre leóns e outros animais e nos ensinaron esta canción de Caetano Veloso que nos gustou moito. Rematamos o obradoiro tamén facendo un monicreque coa cabeza dun león e cantando xuntos a canción. Aquí a temos 😃

La superchef

La Superchef. Porque perseguir tus sueños puede ser muy divertido. Alicia Mas.
Este foi o conto que escollemos para presentar nos recreos lectores da BBS. É unha das novidades que chegaron á biblioteca en xaneiro e gustounos tanto que non nos puidemos resistir 😀

Estreamos!

Mañá contaremos conto nos recreos lectores da BBS! Temos todo listo, case, case listo 😉

Ensaiando

En que andaremos metid@s? 😃

A casa da mosca chosca

Este mércores tivemos unha sorpresa na Hora de Ler. Á volta do recreo a nosa clase estaba convertida nun pequeno teatro e un grupo de rapazas e un rapaz de 6º representaron para nós A casa da mosca chosca. Eran axudantes da BBS dentro do programa Lecturas compartidas.  Encantounos! Aínda máis cando vimos o que tiñan para nós ao final do conto. 😋

O pastel era de verdade!

E convidáronnos a comelo!

 Grazas: Julia, Gabi, Carlota, Paula, Uxía Lojo, Uxía Lorenzo e Marta. 😍

Unha noite no hipermercado

Esta semana fomos os encargados de inaugurar os contacontos dos recreos da BBS. Fixémolo cunha pequena dramatización dun texto que traballaramos na clase en Lingua Galega e que ten moito que ver co tema do proxecto da biblioteca deste curso, a alimentación.

Anunciamos o conto na entrada:

Os encargados desta semana foron polas clases convidando a vir escoitarnos e xa no recreo...

Bravo!

Rebeca e Sheila nos contacontos da BBS

Onte Rebeca, a nai de Breixo, e Sheila, a nai de Claudia, estiveron contando un conto na BBS. Contaronnos Max e Lea, un conto cun Tyrannosaurus Rex como protagonista. Estiveron xenial!
Para saber máis sobre como foi visitade o blogue da biblioteca

Os libros da titiriteira

Este venres tivemos unha visita especial na nosa biblioteca, unha titiriteira cuns libros moi grandes e moi pesados que cobraban vida. Entrade no blogue da biblioteca para ver a reportaxe completa.

Animais de Compañía

Na última semana de trimestre contamos Animais de Compañía de Manuel Lourenzo nos contacontos dos recreos da BBS. Foi unha versión para Kamishibai que elaboramos nas clases de Valores Sociais e Cívicos.

Animais de compañía from Brea Segade on Vimeo.

Co cociñeiro Martiño

Estivemos co cociñeiro Martiño! Iago López non tardou nin dous minutos en transformarse en Martiño e meternos de cabeza na súa historia. Gustounos moito, tanto ou máis que o libro.
Para ver a reportaxe completa entrade no blogue da biblioteca.

Iago López

Mañá recibiremos na Biblioteca Brea Segade a Iago López, autor de O cociñeiro Martiño. A BBS preparou este tríptico con información e actividades para nós.

Kenqueoké?

O último martes do trimestre debutamos coma contador@s nos recreos da BBS. Escollemos Kenqueoké?, unha historia de marcianos escrita por José Parrondo. Foi divertido, estabamos nerviosos/as pero gustounos e pasámolo ben.

Kenqueoqué - Kizoa Editar Videos - Movie Maker

Entrade no blogue da biblioteca para ver reportaxe que publicaron.

Contando contos

Este venres, en Castelán, inventamos e contamos contos en parellas partindo de dúas palabras. Haiche boa imaxinación en Primeiro e boa labia tamén :-)