Mateo

Na última semana soubemos que Mateo non estará con nós no Brea Segade no curso que vén.  Para facer máis doce a despedida, Mateo trouxonos unha torta de queixo riquísima que papamos enteiriña 😋

Graciñas, Mateo!

Aínda que vas estar moi cerquiña e vas vir de visita, ímoste botar moito de menos. Xa sabes onde estamos, vén sempre que queiras. Bicos. 😘

Despedimos Primeiro

E ao rematar a mañá tamén dixemos adeus a Primeiro. Tod@s estaremos en Segundo a partir de setembro!!! Levámonos un montón de lembranzas deste curso 😀

Último Xornal BBS e bolsiña con sorpresa

Festa fin de curso: obradoiros

Xa case pasou unha semana desde o día de fin de curso! Aquí vai unha reportaxe do ben que o pasamos ese día. Empezamos polos obradoiros: bolsas pintadas, pulseiras, globoflexia, maquillaxe, karaoke e baile, circúito de deportes, pintura... Para todos os gustos!

O Nadal e os sentidos

Despedímonos do Nadal pensando e falando do que lembrabamos del...cos cinco sentidos. E saíron cousas ben chulas! O Nadal sabe a, ule a, soa a...

Estamos de volta!

Estamos de volta, cun montón de historias que contar, con ganas de ver aos amigos/as, con moita enerxía para empezar de novo e tamén con sorpresas, como as que nos deixaron os Reis :-)

Que será?

As damas!

Plastilina!

E había que probalas!

As normas da nosa clase

Estas son as normas que acordamos respectar na clase e no cole para que todo@s esteamos a gusto.

 

Na aula de informática

Pouco a pouco imos coñecendo os espazos comúns do cole. Esta semana fomos, por primeira vez, á aula de informática, e gustounos... moito. 

 

Dentes que caen

Nas poucas semanas que levamos xuntos xa tivemos dúas sorpresas, dous dentes que caeron e que foron dereitiños para o Rato Pérez. E agora na clase hai varios dentes a piques de caer e moitos movendo e removendo nos dentes frouxos para ver de "acelerar" a caída :-) 

Isto vai ser a clase dos fanados, veredes!

O dente de Gael

O dente de Hugo

Somos Primeiro

 Aquí estamos, o martes 13 de setembro recollendo na Biblioteca Brea Segade a nosa caixa de libros para a Hora de Ler.

Somos Primeiro do Brea Segade: Sara, Noela, Lola, Mateo, Nerea, Dani, Gael, Breixo, Lois, Sergio, Hugo, Diego, Adrián e Laura.

E o noso primeiro conto no cole foi Andrés cabeza abaixo de Pablo Albo e Roger Olmos.