Os abanos de Diego

Diego trouxo para ensinarnos unha colección de abanos moi especial, cada un deles ten unha reprodución dun cadro famoso. Son preciosos!

Tantas obras de arte déronnos que pensar e xa temos a cabeza dándolle voltas a un proxecto para a volta do Nadal: cadros, pintores, países...

Grazas, Diego por compartir os abanos da túa familia con nós!

Traballamos sobre o cine

Este é o libro que nos serviu de punto de partida para traballar sobre o cine: 

El mundo del cine forma parte de La Gran Biblioteca de Las Tres Mellizas e ten un conto ambientado na época que se inventou o cine e tamén moita información sobre esa época e como apareceron as primeiras películas, proxectores e sesións de cine. Este libro está na BBS, gustounos moito, recomendámovolo.

E esta a exposición no noso corredor cos carteis orixinais:

 

Os inicios do cine

Ao longo do 2º trimestre nas clases de Valores Sociais e Cívicos estivemos traballando nun proxecto sobre os inicios do cine. Vimos algunhas das primeiras películas que se fixeron no século XIX e comezos do XX, traballamos cun libro das Tres Mellizas sobre o cine, preparamos unha exposición con toda a información e ao final fixemos unha presentación escaneando os nosos carteis e escribindo algúns textos no ordenador.

Este foi o resultado:

 Esta semana presentamos o noso traballo aos compañeiros e compañeiras do cole na biblioteca. Viñeron en tres grupos, así que tivemos que repetir a presentación tres veces. A primeira vez estabamos algo nerviosos/as, porque era a primeira vez que falabamos para os maiores presentando un traballo,  pero pouco a pouco fomos collendo confianza 😉

Investigando sobre Alicia

Empezamos cun novo proxecto que dará lugar á nosa participación no Salón do Libro de Pontevedra deste ano. Mulleres de Conto é o lema e Alicia o centro do noso traballo. Seguiremos contando...

O lonxano Oeste

Compartimos co resto do colexio os nosos traballos sobre o Lonxano Oeste, o proxecto que desenvolvimos antes do Entroido e que deu lugar aos nosos disfraces. O punto de partida do traballo foron dúas películas do xénero Western: Spirit o cordel indomable e Zafarancho no rancho.

Agromando!

Esta semana tivemos novidades nos nosos experimentos:

Xerminaron os garavanzos... 😀

E as gallas están a dar raíces 🎉🎉