Saída fin de curso

O venres 14 de xuño 3º e 4º de Primaria fixemos a última saída deste curso. Visitamos o Centro Arqueolóxico da Barbanza, os castros de Neixón, a reitoral de Leiro e o souto de Isorna. Esta saída pretendía poñer en valor o traballo realizado nas aulas, ao longo do curso, ao redor da nosa historia e o noso patrimonio e descubrir a riqueza da nosa comarca. Pretendiamos tamén ter un tempo para convivir e estar xunt@s, nun ambiente diferente ao das aulas e o cole.
Foi un éxito! Todos os obxectivos conseguidos! 😉

Parabéns 3º e 4º, dá gusto saír con vós!

A miña historia persoal 4

Hoxe rematamos de poñer en común as nosas historias. Moi bo traballo de tod@s, tanto recollendo información como expoñéndoa na clase. Ben feito!

A miña historia persoal 3

Hoxe presentáronnos a súa historia Adrián, Nerea e Iker. Seguimos coñecéndonos mellor. 😃

A miña historia persoal 2

Hoxe foi a quenda de Sergio, Hugo e Sara. De novo descubrimos cousas deles que non sabiamos. Que ben o estades facendo!

"A miña historia persoal"

Despois de varias semanas de traballo sobre historia, hoxe comezamos a expoñer as "historias persoais" que cada un foi elaborando en forma de libriño, usando fontes orais, gráficas, escritas e materiais. Despois de cada exposición houbo un tempo para preguntas e contar algúns datos que non se incluíron nos libros.Empezamos moi ben e estamos a descubrir cousas que non sabiamos dos compañeiros e compañeiras. 😃

Ao longo da semana exporemos todas as "historias persoais" da clase.

Revolución Irmandiña

Onte marchou para o Salón do Libro de Pontevedra a nosa maqueta deste ano, cos nosos libros sobre as revolucións. Alí foi a nosa Revolución Irmandiña 😍
Tedes máis información no blog da BBS.

O castelo da Lúa

O martes fomos de visita aos restos do Castelo da Lúa, no Lugar do Pazo, en Rianxo. Fomos en bus ata o porto de Sete Fogas e desde alí camiñamos polo paseo marítimo ata o castelo. Comezamos cunha parada no monumento homenaxe á escritora Helena Villar Janeiro e alí lemos varios poemas da súa obra As señoras cousas. 

Despois fomos fixándonos nas laxes adicadas aos escritores rianxeiros: Castelao, Rafael Dieste, Manuel Antonio e,xa douttro lado do río, en Taragoña, Xosé Mª Brea Segade. No Castelo da Lúa está traballando un equipo de arqueólogos, reconstruíndo parte do edificio coas pedras que aínda se conservan. Tivemos a sorte de que Mario Vilña, o director do proxecto, nos falara dos traballos que están a facer. Con el descubrimos como era o foso do castelo, que había un forno para cerámica, unha torre de homenaxe, un pequeno porto... Ensinounos restos de cerámica e demos toda a volta ao castelo. Foi moi interesante! Grazas, Mario!

Castelodalua from Brea Segade on Vimeo.

Para saber máis sobre como foi o Castelo da Lúa, de que época é, que restos se atoparon, quen se cre que viviu nel... podemos entrar nesta páxina do Concello de Rianxo: