Rianxo en negro: CEP Brea Segade en negro

Espazo libre de violencias machistas

Ao longo da semana no colexio estivemos falando, pensando e elaborando materiais dentro da campaña Rianxo en negro,que pretende mostrar mostrar que non nos gusta a violencia, ningún tipo de violencia, e moi especialmente a violencia contra as mulleres. O venres xuntámonos todos para conmemorar o Día Internacional da Eliminación da Violencia contra as mulleres, que é o 25 de novembro. Pegamos siluetas negras cun lazo morado na entrada do cole e escoitamos e cantamos o tema Salír corriendo de Amaral.

Mochila Viaxeira para Adrián

Boas lecturas, Adrián!

Cine 3D

Este martes asistimos a unha sesión de cine 3D na escola. Instalaron unha carpa con forma de cúpula no cuberto que hai no patio e fomos baixando a ver películas sobre astronomía. Nós vimos O robot de cartón e aprendemos moito sobre os planetas do sistema solar. Despois, pola tarde, saímos todos ao patio a facer voar foguetes e a montar un sistema solar vivinte. Foi moi divertido! Agora estamos atraballar na clase sobre estrelas e planetas.

A sala de cine 3D

Entramos!

Preparad@s para a proxección

No obradorio de foguetes e sistema solar

Un foguete

Alá vai!

Sistema Solar "vivinte"

¡Menudos bichos menudos!

Este é o novo libro que estamos a ler conxuntamente na clase. Tamén forma parte dos Itinerarios Lectores da BBS e, desta vez, son relatos breves rimados que teñen de protagonistas a pequenos animais: cempés, arañas, formigas...

Magosto 2017

 Que ben o pasamos!

Magosto 2017

Fogo Nicolás

Na banda de alá do río ten meu pai un castiñeiro... Tempo de Magosto, tempo de festa.😀

Polo San Martiño, trompos ao camiño

Estamos no tempo das castañas, dos Magostos e... dos trompos! Levabamos tempo sen velos pola escola, aínda que si están os seus "parentes modernos", os BeyBlade e os Spinners. Algo tiñamos que facer para remedialo, así que na tarde do mércores tivemos un "obradoiro de iniciación aos trompos tradicionais" para o que contamos coa axuda de Bernal, un experto bailador de trompos. Estivemos atent@s ás súas explicacións e trucos. Teremos que seguir practicando, pero xa imos encamiñad@s e mola moito velos bailar.  

Graciñas, Bernal!

Plantación na horta

Este mércores pola tarde todo o colexio estivemos de plantación na horta, coa axuda de Vanesa e Carlos, os pais de Elena, cada clase plantou algún produto de tempada. Nós plantamos leitugas e outros cursos espinacas, cebolas, allos...

Coas nosas leituguiñas lembramos a ensalada do curso pasado e xa estamos a pensar nos ingredientes para papalas en canto medren. 😋

Agora teremos que coidar da horta entre tod@s.
Grazas, JCarlos e Vanesa!

Coidemos os nosos bosques

A mediados de outubro unha terrible vaga de lumes arrasou milleiros de hectáreas de monte en Galicia, moitas casas, galpóns, graneiras e levou tamén a vida de catro persoas. Na clase falamos do lume e de que se poderia facer para evitar que algo así volvera pasar. Decidimos facer un mural para mostrar a nosa vontade de coidar os bosques e o monte.

Naqueles días Christian trouxera a clase un libro que lle gustara moito, Salgadiña, a estrela de Fisterra de Anxo Moure e Cristina Ouro. Fala doutro tipo de catástrofe medioambiental, pero no fondo fala do mesmo, do mal que os seres humanos tratamos ao noso planeta e da necesidade de que todos e todas nos comprometamos coa natureza. Gustounos moito e ao comezar co mural decidimos que Salgadiña debía estar nel. 

Esta semana sacamos o noso mural ás paredes do corredor. É o noso compromiso cos nosos bosques. Nós coma Salgadiña, queremos un mundo mellor.

Mochila Viaxeira para Hugo

Hoxe Hugo levou a Mochila Viaxeira para casa. Quince días para aproveitala ben: ler, ver, cantar, bailar, compartir... E este curso tamén quitar unha foto para que vexamos como lle vai á Mochila nas súas viaxes.

Peluches

En Castelán lemos unha lectura sobre un peluche moi especial e a nena que era a súa dona.  Partindo desa idea describimos e debuxamos o noso peluche favorito ou o que nos gustaría ter e inventamos unha ficha con información sobre os seus gustos e afeccións. Estaría ben que os peluches cobraran vida 😜