Os Bolechas van ao parque de atraccións

Dani e María, a súa nai, contaron hoxe un conto nos recreos lectores da Biblioteca Brea Segade. Era a primeira vez que unha familia de 1º participaba nos contacontos e estiveron, moi, moi ben.
Mirade a reportaxe no blogue da BBS.

Despedimos a poesía na Hora de Ler

Este venres foi o último día que @s axudantes da BBS recitaron poesía para nós. Viñeron Aitana, Uxía, Carla e Paula, a irmá de Diego. Recitaron a Rosalía e a Gloria Fuertes, as dúas poetas que nos tamén estamos lendo na clase e nos deixaron outro agasallo. Gustounos esta semana, con tantas visitas e tanta poesía. Graciñas a tod@s!

Poesía na Hora de Ler

Hoxe viñeron catro compañeiras de quinto, axudantes da BBS,  a compartir poesía con nós. Recitáronnos un poema de Gloria Fuertes que nos gustou moito e deixáronnos outro agasallo. Que sorte temos! E aínda nos quedan dous días máis de poesía na Hora de Ler!
Graciñas Helena, Carla, Antía e Alba!

Mochila viaxeira, seguimos...

Hoxe levou a Mochila Viaxeira Gael e xa pola tarde veu falando do que atopara dentro :-)

Que o pases moi ben coa mochila, Gael!

Día da Poesía

Hoxe, o chegar do Auditorio de Rianxo, celebramos no cole o Día da Poesía. Xuntámonos diante da biblioteca e cada clase recitou algúns poemas que nos gustan. Nós lemos entre tod@s "Has de cantar" de Rosalía de Castro. 

Fixémolo moi ben! :-) 

A frautista de Hamelin

Como non ían seguila os ratos? Soando como soa...

Hoxe estivemos no Auditorio escoitando a historia musicada de A frautista de Hamelin. Como nos gustou! A música e o conto. Tratábase dunha actividade proposta pola Escola de Música de Rianxo que contou con cinco músicos da banda e Tero Rodríguez como narradora. Para saber máis entrade no blogue da biblioteca.

Saxo tenor

Clarinete

Semana da Poesía

Marzo é o mes da poesía na escola e esta semana imos ter algunhas actividades especiais para celebrar que nos gusta ler e escribir poesía. Os axudantes da Biblioteca Brea Segade van vir ás clases na Hora de Ler a compartir con nós poemas que lles gustan. Hoxe viñeron a primeiro Marta, Rodrigo e Iago. 

Graciñas!

No Salón do Libro

A visita ao Salón do Libro ben merece unha reportaxe propia :-)

Salon 2017 - Kizoa Editar Videos - Movie Maker

Saída a Pontevedra

Aquí vai a primeira reportaxe fotográfica da saída do mércores.Comezamos a mañá descubrindo o casco vello da cidade coa axuda dun plano e asegurándonos de quitar unha foto de grupo en cada un dos lugares que viñan marcados. Comemos no parque da Xunqueira e pola tarde visitamos o Museo de Pontevedra, en concreto as salas de arqueoloxía e a sala Castelao. 

Pontevedra 2017 - Kizoa Editar Videos - Movie Maker

Co cociñeiro Martiño

Estivemos co cociñeiro Martiño! Iago López non tardou nin dous minutos en transformarse en Martiño e meternos de cabeza na súa historia. Gustounos moito, tanto ou máis que o libro.
Para ver a reportaxe completa entrade no blogue da biblioteca.

Iago López

Mañá recibiremos na Biblioteca Brea Segade a Iago López, autor de O cociñeiro Martiño. A BBS preparou este tríptico con información e actividades para nós.

Mochila viaxeira en marzo

Xa van oito afortunad@s que tiveron a Mochila Viaxeira na súas casas. Agora mesmo está con Nerea; aprovéitaa ben :-)

Cociñamos

O cociñeiro Martiño deunos a idea.

Biscoito de primeiro - Kizoa Editar Videos - Movie Maker

O cociñeiro Martiño

Estes día temos pola clase a un "cociñeiro" que nos está contando as súas aventuras para converterse en cociñeiro real.

O martes coñeceremos a Iago López, o autor de "O cociñeiro Martiño", que nos contará máis historias sobre cociñas, receitas e cociñeiros.

Día da muller

O 8 de marzo é o Día Internacional da Muller. Na nosa clase aproveitamos para falar do importantes que son as mulleres nas nosas vidas e do noso compromiso coa igualdade entre nenos, nenas, mozos, mozas, homes e mulleres, os 365 días do ano. É o xusto!

Decidimos mandarlle un "cariño especial" a algunha das nosas mulleres favoritas e puxémonos mans á obra.

O mundo que queremos

O vindeiro 10 de marzo abrirá as súas portas o Salón do Libro Infantil e Xuvenil de Pontevedra co lema "O mundo que queremos"

O noso colexio participa como centro convidado, cunha maqueta que leva seis libros elaborados polas seis clases do centro, nos que falamos de como nos gustaría que fose o mundo. O venres despedímonos da maqueta antes de levala para Pontevedra. Entrade no blogue da biblioteca para ver a reportaxe completa da despedida.

O tesouro da nosa fala

"O tesouro da nosa fala" é o título do libro que a clase de 1º elaborou para a maqueta que o noso colexio levará este ano ao Salón do Libro de Pontevedra. Foron semanas de moito traballo; recollendo información das familias, escolléndoa, preparando as ilustracións e os textos, decorando... pero estamos content@s, gustounos o traballo e gustounos moito como quedou.

 Elaborando o libro

 

Feito!

Pintando para a maqueta