Despedímonos de Carmela

Carmela, a profe que estivo con nós durante case dous meses, non volverá despois da Pascua, ten que  continuar cos seus estudos en Santiago, así que a despedida do trimestre tamén foi a nosa despedida dela, un ata logo, porque xa sabe que pode voltar cando queira 😊
Graciñas, Carmela por todo o que compartiches con nós nestas semanas! 😘😘

Xogos de xeometría

O venres, despedimos o trimestre cun circuíto de xogos de xeometría na biblioteca: sudoku, escornabots, xeoplano e tangram. Para poñer a proba o moito que aprendemos nestes meses 😉

Xeoplano

Tangram

Sudoku xeométrico

Escornabots figuras xeométricas

Escornabots liñas

Mulleres de conto e de película

A nosa maqueta para o Salón do Libro xa está en Pontevedra. Despois de semanas de traballo na maqueta e nos libros, de ler, ver pelis e aprender moito sobre algunhas mulleres de conto  e de película, mandamos a nosa cámara e os catro libros ao Salón. Teremos que agardar ata o día 10 de abril que será cando visitemos co colexio o Salón do Libro de Pontevedra, ou ir coas familias desde o día 6 de abril , que abre o Salón.

Para ver máis sobre a despedida da maqueta e os libros entrade no blog da BBS.

Traballo feito!

 

Mochila Viaxeira para Noela

A Mochila Viaxeira de 2º marchou de vacacións de Pascua a casa de Noela. Xa van quedando poucas casas por visitar, non desesperedes, logo irá visitar aos que faltan.

Boas lecturas, Noela!

Día da Poesía

O 21 de marzo tamén é o Día da Poesía. Este ano participamos nun acto de celebración dos 90 anos da publicación do libro De catro a catro, do poeta rianxeiro Manuel Antonio. Aínda que non escribiu para nenos/as, escoitamos os seus poemas e descubrimos que falaba sobre todo do mar. Coas palabras que se repiten nos seus poemas preparamos follas de árbores autóctonas para pendurar das rúas de Rianxo. O xoves 22 de marzo fomos á vila a celebrar o Día da Poesía e a obra de Manuel Antonio pintando na rúa e recitando. Aquí tedes o vídeo que elaborou a Biblioteca Brea Segade sobre aesa mañá.

Preparando as follas para decorar as rúas de Rianxo

Na tele

O Canal Barbanza cubriu a plantación nas beiras do Té e entrevistou a Noa, Noela, Nerea e Adrián. Mirade que ben o fixeron:

Día dos bosques: plantación na contorna do Té

O mércores 21 participamos nunha plantación de árbores autóctonas organizada polo Concello de Rianxo. Fomos todo o cole e tamén nenos e nenas do CEIP Ana Mª Diéguez de Asados, e do CEIP Castelao de Rianxo. Estivemos nas marxes do río Té, a carón do polígono industrial e entre todos plantamos máis de 160 árbores: carballos, freixos e castiñeiros. 

 

Día da árbore from Brea Segade on Vimeo.

Día dos bosques

Este foi o tema co que comezamos o Día dos Bosques, preparándonos para a plantación nas beiras do río Té.

Para escoitar a canción preme na imaxe de abaixo ou AQUÍ

 

Aniversario de Christian

Onte celebramos o aniversario de Christian que en realidade é hoxe. Outro mozo na nosa clase!
Christian trouxonos un biscoito de chocolate e Lacasitos riquísimo que devoramos nun viravira, como xa é habitual nos larpeiros e larpeiras de segundo 😜

PARABÉNS CHRISTIAN!

e grazas polo biscoito!

Mmmm!

Parabéns para ti....!

 

Mulleres de cine

Neste mes de marzo estamos a investigar en todas as clases sobre mulleres que traballan no mundo do cine. Nós buscamos información sobre tres mulleres galegas: Chelo Loureiro, Emma Lustres e Diana Toucedo. No blog da biblioteca tedes maís información.

Xeometría

Levamos unhas semanas a voltas coas figuras xeométricas, os ángulos, os vértices, as simetrías... A profe Carmela púxonos a traballas con pauciños, plastilina, regras... O que tal estamos a aprender!

Mochila Viaxeira para Nerea

Xa ides quedando menos por levala; esta semana Nerea foi a afortunada.

Boas lecturas, Nerea!

Investigando sobre Alicia

Empezamos cun novo proxecto que dará lugar á nosa participación no Salón do Libro de Pontevedra deste ano. Mulleres de Conto é o lema e Alicia o centro do noso traballo. Seguiremos contando...

Xogos matemáticos

O noso recuncho de xogos matemáticos recibiu esta semana algunhas novidades que xa puxemos en práctica, xunto coas que xa coñeciamos que seguen molando moito.