Xornal BBS 14

Aínda que xa o tedes nas vosas casas desde o venres, para que o poidades ver tamén en cor.

Powered by Issuu

Publish for Free

Grazas, padriños e madriñas!

Despois do ben que nos trataron os padriños e madriñas lectores na tarde do mércores 25, tiñamos que darlle as grazas. E iso fixemos! Preparamos postais, tan chulas coma as que eles nos deron e o venres fómosllas levar ás clases 😊

GRAZAS!

Apadriñamento e amadriñamento lector

A Biblioteca Brea Segade xa publicou os vídeos do apadriñamento e amadriñamento do mércores pasado. Mirade que chulada!

Presentadores

Aquí tedes aos presentadores dos actos do Mes dos Libros o pasado 25 de abril na Biblioteca Brea Segade. Uns profesionais!

Non leas!

Mensaxe do poeta Fran Alonso para as bibliotecas escolares no Día do Libro 2018. Interpretándoo na celebración do Mes dos Libros na Biblioteca Brea Segade o 25 de abril.

No Día do Libro

Hoxe, no Día do Libro, levamos para casa os nosos paraugas de impresión 3D inspirados en O día que choveu do revés de María Canosa. O mesmo que fixemos co paraugas que lle demos a María, decorámolos ao noso gusto.

A saída a Pontevedra en banda deseñada

Estivemos preparando resumes en banda deseñada sobre a nosa saída a Pontevedra  para visitar o Salón do Libro e o Museo. Cada un de nós escolleu o que máis lle gustou do día e plasmouno en forma de cómic. 

Nuria e Christian nos contacontos da BBS

Hoxe Christian e a súa nai, Nuria, estiveron contando un conto nos recreos lectores da BBS. Entrade na páxina da biblio para ver como foi.

¿Quién sabe liberar a un dragón?

 

Comezamos unha nova lectura en común, un novo titulo do itinerario lector de 2º. ¿Quién sabe liberar a un dragón? de Paloma Sánchez Ibarzábal, publicado na colección El Barco de Vapor da editorial SM. 

Aquí tedes un pequeno adianto do que estamos a ler. En 2º xa hai 15 voluntari@s para liberar ao dragón. 😉

Os libros da titiriteira

Este venres tivemos unha visita especial na nosa biblioteca, unha titiriteira cuns libros moi grandes e moi pesados que cobraban vida. Entrade no blogue da biblioteca para ver a reportaxe completa.

Mochila Viaxeira para Sergio

Esta semana a nosa Mochila Viaxeira saiu para a casa de Sergio. Xa van quedando moi pouquiñas casas que percorrer, pero moitas ganas de chegar a tod@s.

Boas lecturas, Sergio!

Falando de réptiles

Levamos unha semana de moitas "prácticas" en Naturais, onte foron ovos chocando e hoxe lagartos. Christian demostrou que está moi, moi interesado no tema dos réptiles 😉. Isto é o que apañou no patio e despois soltou, claro.

Temos unha incubadora!

Apareceu esta semana na entrada do colexio, unha caixa cunha luz e dentro... ovos. Si, é unha incubadora que preparou Tino aproveitando diferentes materiais e na que están chocando vinte e catro ovos. Estivemos con Tino para que nos explicara como funciona, que tempo van tardar en saír os pitiños, que eran cada un dos aparellos que veíamos... Explicounos todo ben clariño e puidemos preguntar canto quixemos. Foi unha clase de Naturais ben boa! Que sorte temos! Grazas, Tino!

Agora seguiremos atent@s ao proceso e ao calendario.

No Museo de Pontevedra

Pola tarde, no Museo de Pontevedra, participamos na actividade "Da paleta ao lenzo", un xeito divertido de aprender sobre pintura.

No Salón do Libro

E chegou o día! Como nos gusta o Salón do Libro! 😍

Concerto didáctico

Hoxe foi unha mañá especial, despois do encontro con María Canosa fomos ao auditorio de Rianxo a un concerto didáctico organizado pola Escola de Música de Rianxo. Era un grupo de músicos de instrumentos de metal: tuba, trombóns de vara e bombardino. Ademais de tocar fóronnos contando cousas sobre os instrumentos e todo facendo teatro. Foi moi divertido!

Con María Canosa

E chegou o día! Hoxe coñecemos a María Canosa! Lembramos o seu libro, puidemos preguntarlle un montón de cousas e despois adicounos o libro a cada un de nós. Gustounos moito e as adicatorias son moi chulas. Nós démoslle un agasallo, un paraugas colgador feito na biblio na impresora 3D.

O noso agasallo

Asinando