Terceiro do Brea Segade

domingo, 25 de febreiro de 2018

Día de Rosalía: Abride a fiestra

Compartimos o vídeo que elabotrou a Biblioteca Brea Segade para homenaxear a Rosalía.

Abrindo fiestras

Esta semana estivemos traballando sobre Rosalía de Castro na clase: lendo os seus poemas e decorando as fiestras da escola para que Rosalía estivera ben visible, desde fóra e desde dentro. Participamos así nunha iniciativa da Asociación de Escritores en Lingua Galega (AELG), para homenaxeara á poeta no seu día, o 24 de febreiro, tal e como nos pediron desde a Biblioteca Brea Segade.

A nosa clase desde fóra

Mochila viaxeira para Iker

Esta semana saíron novamente as Mochilas Viaxeiras. Levouna Iker, que se estrea coas mochilas do Brea Segade. Esperamos que lle guste moito 😀

martes, 20 de febreiro de 2018

Un libro e unha flor

O 24 de febreiro celébrase o Día de Rosalía e unha das tradicións para ese día é agasallar cun libro e unha flor. A BBS trouxonos onte un agasallo para a nosa clase: un libro sobre Rosalía e unha flor feita coa impresora 3D.
Así que mans á obra, empezamos a ler e a traballar sobre Rosalía.

Aniversario de Carmela

Este luns celebramos o aniversario de Carmela, a profe que volve estar con nós este curso durante unha tempada. Trouxonos unha madalenas de chocolate riquísimas, que sorte temos!!!

Parabéns, Carmela!

E graciñas polas madalenas! 😋

Mmmm

sábado, 17 de febreiro de 2018

Oh Susana! De principio a fin :-)

Grazas a Nuria, a nai de Christian, podemos compartir o vídeo do baile completo, para non perder detalle 😜 Tremenda actuación, bailador@s!

xoves, 15 de febreiro de 2018

Aniversario de Adrián

Hoxe celebramos o aniversario de Adrián, que xa é un mozo de 8 anos! Trouxonos un biscoito de chocolate e unha filloas recheas de chocolate. Todo estaba de lamber os dedos, e iso mesmo fixemos, os dedos e case, case a bandexa do biscoito. Iso despois de cantarlle, soprar a vela e turrarlle un pouquiño das orellas :-)

Parabéns, Adrián!

e moitas grazas polos doces. 😋