Concerto da Escola de Musica de Rianxo

Aínda non levamos unha semana de curso e xa tivemos a nosa primeira saída. Estivemos no Auditorio de Rianxo nun concerto dun cuarteto de vento metal da Escola de Música de Rianxo. Houbo moitos instrumentos: unha tuba,dous trombóns e un bombardino. Tocaron música de bandas sonoras: Star Wars, a Pantera Rosa, Frozen... Molou moito!

Ingredientes para cociñar un curso fantástico

Aquí van os nosos ingredientes para este curso:

Con todos eles, na xusta proporción e remexendo ben, non hai fallo💪

Unha eiruga moi larpeira

Traballazo dos dous primeiros días de clase. empezamos ben, terceiro promete! 😊

Uns rapaces e rapazas moi larpeir@s!

Hora de Ler

Hoxe viñéronnos buscar para baixar recoller unha caixa á entrada da Biblioteca Brea Segade. Estaba chea de libros! Os primeiros libros para a nosa biblioteca de aula deste curso.

Así que a abrimos na clase... E hoxe xa tivemos a nosa primeira Hora de Ler!

Terceiro!

Xa estamos en 3º!

Terceirooo!

 Hoxe comezamos un novo curso, na mesma aula, cos mesmos profes, pero con moitos cambios e novidades, empezando polo horario: xornada única!

Unha eiruga moi larpeira. Eric Carle

Tivemos algunha pista de cal vai ser o tema do proxecto da biblioteca deste curso. Empezamos cun conto que fala dunha eiruga moi larpeira e de moitos alimentos, vimos unha pota enorme no taboleiro da entrada da biblioteca e estivemos falando e anotando ingredientes para "cociñar" un curso fantástico... Isto soa a cociña, alimentos, saúde... Veremos 😉

Adeus, Segundo!

Rematamos Segundo! 

Canto vivimos, aprendemos e gozamos xunt@s nestes dez meses!

Agora toca descansar e aproveitar o verán a tope. 

Boas vacacións!

Lembrade que podedes pasar pola biblioteca a buscar as 

Bolsas de Lecturas de Verán

Obradoiros fin de curso

Comezamos a mañá do último día do curso con obradoiros e xogos. Despois da merenda chegou o tempo das despedidas, dos compañeiros e compañeiras de sexto, que para o curso que vén xa non estarán con nós e de nós mesmos, que rematamos 2º. 😃

Carrilana, badminton, maquillaxe, goma eva, pixel art, brochetas de froita, karaoke, pintura... Que ben o pasamos!

Na festa da auga

Na nosa última tarde do curso tivemos a festa da auga, que xa é unha tradición no fin de curso do Brea Segade. 10 equipos, 10 capachos con auga, vasos, pistolas, pulverizadores, churros de auga... tod@s contra tod@s e moitas ganas de mollarse e pasalo ben. 

Así rematamos!

Nenas de 1º e 2º

Saída polo Barbanza

Así de ben o pasamos o mércores, na nosa excursión de fin de curso.
 
Excursión fin de curso 2018 from Brea Segade on Vimeo.

Aniversario de Hugo

Hugo tamén pasou a ser un mangallón de 8 anos! E claro, celebrámolo na clase, que iso ben que nos gusta! 😄
Cantámoslle, turrámoslle das orellas e comemos unha torta de queixo deliciosa que trouxo para compartir. 

PARABÉNS, HUGO!

e moitas grazas pola torta, riquísima! 

Parabéeeens!