"Con algo na cabeza"

Martes:

Con lentes e algo na cabeza

Luns de Entroido

Luns, houbo lentes de todo tipo, moitas ganas de troulear e novo mandado de Toribio. Martes con algo na cabeza e quen queira tamén con lentes. :-)

Ola, Toribio!

Xa estamos no Entroido! Xa chegaron o Toribio e os seus mandados! Este ano temos un Toribio robótico, como non?
Empezamos luns, que ninguén se despiste, tod@s a buscar uns lentes.

Avoa María

Mércores que vén imos a un concerto ao Auditorio de Rianxo. O Tempo dos Xogos é o nome do CD de Gabriel Riveiro e Ramón Raíndo no que se baseará o concerto.

Na clase estamos escoitando e aprendendo algunhas das cancións e estanos gustando moito, así que xa temos ganas de ir ao concerto.  
Aquí vai o vídeo do segundo tema, Avoa María. A ver se sabedes onde foi grabado o vídeo. Dalí son os músicos e quédanos ben cerquiña :-)

Mans á obra

Xa estamos en proceso cos nosos disfraces, de momento decorando os nosos petos.

Quero xamón

O prometido é débeda! Primeiro leva xa tempo agardando por esta canción no seu blogue e aquí está, para practicar ben practicado o X :-)
Quero xamón de Miguel Costas e Aerolineas Federales, un tema do Xabarin Club.
A cantar e bailar! 

Asia

Aquí tedes o noso recuncho de obras de arte asiáticas. "Visitamos" India, China, Xapón, Arabia Saudí, Irán e Siria.
As nosas favoritas: o Taj Mahal na India, a Muralla chinesa, o santuario de Fushimi Inari e Kinkakuji, o templo do pabillón de ouro, en Xapón.

Parabéns, Adrián!

Hoxe é o aniversario de Adrián. Outro magallón de sete anos! Xa sodes 3!
Nós na escola celebrámolo onte. Cantámoslle, turrámoslle das orellas e comemos unhas riquísimas tartas de chocolate e galletas que prepararon na casa para compartir con nós.

Parabéns, Adrián!

Graciñas polas tartas e as xoaniñas, estaban "exquisitas" con X :-)

Parabéns para ti...

Mmmmm

Mmmmmm

Mmmmmmmm

Mmmmmmm

 

Mochilas viaxeiras

As Mochilas viaxeiras seguen indo de casa en casa e xa van seis: Sergio, Dani, Lois, Hugo, Noela e esta semana tocoulle a Breixo.

Robots

Estamos traballando sobre robots, non habedes tardar en saber porque...

Esta semana descubrimos na BBS un libro que nos deixou coa boca aberta e que xa quedou na biblioteca da clase, para poder revisalo a gusto.

 

Quen dixo que os libros non se movían? Este si :-) 

O seguinte paso foi deseñar os nosos robots. Primeiro bocetos en papel que despois transformamos en figuras en plastilina. Que difícil facelos en plastilina seguindo o deseño!

Aquí os tedes, no noso recuncho robótico, debaixo do extintor, por se cobran vida e fixera falta "reducilos" :-)