Cámaras de cine en 3D

A Biblioteca fíxonos un agasallo na última semana de trimestre, unha cámara feita na impresora 3D. Estivemos vendo como funciona e como se fan os deseños no ordenador e despois recibimos un paquete con cámaras para tod@s. Son para levar na mochila, no estoxo, poñer na árbore de nadal... Gustáronnos moito, son moi chulas!

O Pequeno Circo de Nadal en Rianxo

Hoxe comezan as actividades do Pequeno Circo de Nadal na carpa que está  Praza do Concello en Rianxo. Aquí tedes a programación, hai moito onde escoller.

Mochila Viaxeira no Nadal

Con estes días de chuvia e temporal a Mochila Viaxeira que levou Breixo para casa seguro que está a ser unha boa compaña. 😄

Animais de Compañía

Na última semana de trimestre contamos Animais de Compañía de Manuel Lourenzo nos contacontos dos recreos da BBS. Foi unha versión para Kamishibai que elaboramos nas clases de Valores Sociais e Cívicos.

Animais de compañía from Brea Segade on Vimeo.

Bo Nadal!

Segundo deséxavos:

BO NADAL!

Cada libro aberto é unha invitación á imaxinación, tamén no Nadal. Quentin Blake

Cantando as Prosas do Nadal

O 21 de decembro todo o colexio saíu cantar as Prosas do Nadal. Entrade no blogue da Biblioteca Brea Segade para ver a reportaxe completa.

Xornal BBS

Somos xornalistas! Aquí tedes o último número do Xornal BBS.

Tempo de acivros, tempo de libros

Aquí tedes as recomendacións de lecturas de Nadal das bibliotecas das escolas de Infantil e Primaria de Rianxo e a B.P.M. Castelao de Rianxo.

Aniversarios de Noela e Laura

Agora si, as dúas máis pequenas da clase xa son unhas mozas de sete anos. Con cinco días de diferenza Noela e Laura estiveron de aniversario. Aquí as tedes despois de turrarlles das orellas e cantarlles o Parabéns.

 Parabéns!!

Cos lectores electrónicos

Levamos unhas semanas probando os lectores electrónicos da Biblioteca Brea Segade. Teñen un montón de libros dixitais cargados e de momento estamos aprendendo a usalos: a buscar e escoller libro, pasar páxinas, cambiar o tamaño da letra... Estannos gustando moito!