A miña historia persoal 2

Hoxe foi a quenda de Sergio, Hugo e Sara. De novo descubrimos cousas deles que non sabiamos. Que ben o estades facendo!

Boas noites

Estamos rematando a nosa última lectura colectiva deste curso, Boas noites de Paula Carballeira. É unha obra de teatro protagonizada por Xiana, unha nena que quere ter tempo para xogar... Quen non?
Estamos practicando entoación e rindo moito cos personaxes e situacións ideados por Paula Carballeira. Molaría facela en teatro 😃

"A miña historia persoal"

Despois de varias semanas de traballo sobre historia, hoxe comezamos a expoñer as "historias persoais" que cada un foi elaborando en forma de libriño, usando fontes orais, gráficas, escritas e materiais. Despois de cada exposición houbo un tempo para preguntas e contar algúns datos que non se incluíron nos libros.Empezamos moi ben e estamos a descubrir cousas que non sabiamos dos compañeiros e compañeiras. 😃

Ao longo da semana exporemos todas as "historias persoais" da clase.

Lecturas para o verán

Parabéns, 3º!

Aniversario de Hugo

Onte foi o aniversario de Hugo. Outro mozo de 9 anos! Trouxonos un biscoito de lamber os bicos, que ata tiña un 9 feito coa masa. Cantámoslle, turrámoslle das orellas e... papamos o biscoito todo! 😋

PARABENS, HUGO!

9!

Parabéns para ti...!

Regina na BBS

Esta semana tivemos a sorte de que Regina, a nai de Nerea, viñera lernos un conto e un poema na hora de biblioteca. Convidámola a vir porque é brasileira e queriamos que nos lese algún dos libros portugueses que temos na BBS para ver como de ben soaban co seu acento. E soaron moi ben! 😀

Aproveitamos tamén para preguntarlle algunha cousas sobre Brasil. Molou!

Grazas, Regina!

A torre de Sergio e Lola

Este venres, nos obradoiros, estreamos un novo recurso do Espazo Argalleiro da biblioteca. Sergio empezou a construír unha torre co xogo Kapla. Pouco a pouco foi medrando e medrando e entón sumouse Lola a botar unha man e entre os dous fixeron... Unha torre máis alta que eles! 😍

Mola o Kapla! E molan os maxiconstrutor@s de 3º!

Bravo!

Aniversario de Diego

Hoxe celebramos na clase o aniversario de Diego. Nove! Xa ides grandes! 😃

Volvémoslle cantar, soprou a vela e papamos enteiriña unha torta boísima que nos sentou de marabilla, fresquiña como viña.

PARABÉNS, DIEGO!

Graciñas pola torta! Estaba boísima!

Castelao no LIX Rianxo

O xoves 16 fomos a un espectáculo sobre o libro Periplo Atlántico no LIX Rianxo. É unha historia baseada nun relato de Castelao, que nos contaron e ilustraron o grupo Polo correo do vento. Estivo moi ben e ao rematar aprendéronos a debuxar ao protagonista da historia, o pingüín Panchito.