Día da Biblioteca

Ao longo de toda esta semana estamos a celebrar no colexio o Día da Biblioteca que se conmemora o 24 de outubro. Hoxe empezamos a mañá con música dos Migallas que enlazaran no blog da BBS. Na Hora de Ler chegounos un agasallo da biblioteca, unha carta e o material para construír taumatropos. E claro, nós tamén decidimos corresponder ao agasallo e preparar unhas postais, a BBS ben o merece!

Reconstruíndo a letra da canción dos Migallas

A carta e a caixa

Os encargados da semana len a carta

Preparamos postais para a BBS

Empezando cos Taumatropos

O corpo

Comezamos a traballar sobre o corpo humano e botamos man dunha canción do álbum Canta connosco dos Migallas, que nos está axudar a aprender os nomes dos ósos mentres cantamos e bailamos.

Aquí tedes unha versión en vídeo feita, xa hai uns anos, por nenos e nenas de 2º de Primaria de Ordes, do CEIP A.D.R. Castelao.

A cantar e bailar!

Subida ao Castro Barbudo

Aquí tedes unha pequena mostra en imaxes da saída do venres. Tivemos todo a favor: bo tempo para camiñar, un espazo fermosísimo que descubrir ou redescubrir, boa compaña... Así dá gusto!

Subida ao Castro Barbudo

Imos de camiñata!

Mañá, venres, teremos a nosa primeira saída deste curso. Como xa é tradición, iremos camiñando a descubrir algún dos espazos ben fermosos que ten o noso municipio. Este curso quedamos na casa, subiremos ao Castro Barbudo, que xa había tempo que non o faciamos. Aquí tedes o tríptico informativo que enviamos ás casas o mércores. Lembrade, vide preparad@s: calzado cómodo, mochila pequna, auga, algo para merendar e moitas ganas de pasalo ben!

As plantas de garavanzos

Chegou o día de pasar á terra as nosas sementes de garavanzo que xa xerminaran. Como, de momento, non imos facer unha leira de garavanzos para o cocido 😉,  pasámolas a macetas con sustrato e deixámolas na horta do colexio, a ver como van. Seguiremos observándoas atentamente. 

Aquí quedan, resgardadas do vento e dos balóns :-)

Somos meniños e meniñas de libros

O noso primeiro día na biblioteca escoitamos A meniña de Libros de Oliver Jeffers e Sam Winston. Propuxéronnos ser nós tamén meniñ@s de libros e non o dubidamos.
Aquí estamos, entre libros xigantes.

Para saber máis sobre os primeiroso días de volta na BBS entrade AQUÍ e AQUÍ.

Sergio

Xa temos outro mozo de sete anos na clase!
Sergio estivo de aniversario o venres e trouxo un biscoito riquísimo para celebralo.

Parabéns, Sergio!

 Graciñas polo biscoito, que ben nos soubo!

Eu son...

En Valores Sociais e Cívicos convertémonos en protagonistas das nosas propias curtas, aquí tedes o resultado: Eu son...
Estamos comezando, prometemos máis.😀

Eu son

Activade o son na esquina esquerda do menú inferior pata vernos e escoitarnos.

El cazo de Lorenzo

La Tarara

Estamos lendo poemas de Federico García Lorca. "La Tarara" é unha canción de corro de finais do século XIX que el recompilou e gravou e que se fixo moi popular na época. Esta é unha versión moderna de Manolo Tena.